ବାସ୍ତୁ ନିୟମ ଅନୁଯାୟୀ ଆପଣଙ୍କ ଘର ପାଇଁ କଣ ରହିଛି ରଙ୍ଗର ମହତ୍ୱ, ଜାଣନ୍ତୁ

0

ଯେମିତିକି ଦୀପାବଳୀ ପର୍ବ ବହୁତ ନିକଟତର ହେଲାଣି ତେଣୁ ଏହିଭଳି ସମୟରେ ପ୍ରତ୍ୟେକ ନିଜର ଅଫିସ କିମ୍ବା ଘରକୁ ଭିନ୍ନ ଭିନ୍ନ ରଙ୍ଗ ମାଧ୍ୟମରେ ଏକ ନୂଆ ରୂପ ଦେବାର ପ୍ରସ୍ତୁତି ଆରମ୍ଭ କରି ଦେବେଣି । ଏମିତି ସମୟରେ ବାସ୍ତୁ ନିୟମ ଅନୁଯାୟୀ କେଉଁଠାରେ କି ପ୍ରକାରର ରଙ୍ଗ କରିବା ଦ୍ୱାରା ଘରେ ପଞ୍ଚତତ୍ତ୍ୱରେ ସନ୍ତୁଳନ ରହିବା ସହ ଖୁସିର ବାତାବରଣ ରହିଥାଏ ଏହି ସମ୍ପର୍କରେ ଆପଣ ନିଶ୍ଚିତ ଜାଣିବା ଦରକାର ।
ସବୁଜ ଏବଂ ନୀଳ ରଙ୍ଗ – ହାଲକା ନୀଳ ଏବଂ ହାଲକା ସବୁଜ ରଙ୍ଗକୁ ବାସ୍ତୁ ଅନୁଯାୟୀ ସ୍ୱାସ୍ଥ୍ୟର ପ୍ରାକୃତିକ ସ୍ରୋତ ଭାବେ ଗ୍ରହଣ କରାଯାଏ । ଏହି ରଙ୍ଗ ଥଣ୍ଡା ଏବଂ କୋମଳ ହୋଇଥାଏ । ତେଣୁ ଏହି ରଙ୍ଗର ପ୍ରୟୋଗ ଘରର ଡ୍ରଇଁ ରୁମରେ କରାଯିବା ଆବଶ୍ୟକ । ଗାଧୁଆ ଘର ପାଇଁ ହାଲ୍କା ନୀଳ ରଙ୍ଗ ଶୁଭକର ହୋଇଥାଏ ।
ହଳଦିଆ ରଙ୍ଗ – ଏହି ରଙ୍ଗ ମନୁଷ୍ୟର ସ୍ନାୟୁତନ୍ତ୍ରକୁ ସନ୍ତୁଳିତ ରଖିବା ସହ ମସ୍ତିଷ୍କକୁ ସକ୍ରିୟ ରଖିଥାଏ । ଏଣୁ ଏହି ରଙ୍ଗକୁ ଲାଇବ୍ରେରୀ ତଥା ପଢ଼ାଘରେ ଲଗାଇବା ଉଚିତ ।
ବାଇଗଣୀ ରଙ୍ଗ – ଏହି ରଙ୍ଗ ଉତ୍ସାହବର୍ଦ୍ଧକ ତଥା ଅବସାଦ ବିନାଶକାରୀ ଭାବେ ଗ୍ରହଣୀୟ ଥିବା କାରଣରୁ ଏହି ରଙ୍ଗ ଯୋଗ ବା ସାଧନା କକ୍ଷ ଏବଂ ପୂଜାଘର ପାଇଁ ଶୁଭ ହୋଇଥାଏ ।
ଧଳା ରଙ୍ଗ – ଘରର ଉପର ଛାତକୁ ଧଳା ରଙ୍ଗରେ ରଞ୍ଜିତ କରିବା ଦ୍ୱାରା ଘରେ ପ୍ରକାଶ ଭରି ରହିଥାଏ କିନ୍ତୁ ସମ୍ପୂର୍ଣ୍ଣ ଘରକୁ ଧଳା ରଙ୍ଗ କରିବା ଠିକ ନୁହେଁ କାରଣ ବାସ୍ତୁ ଅନୁଯାୟୀ ଏହି ରଙ୍ଗକୁ ସ୍ୱଳ୍ୱଜିବୀ ବୋଲି ଗ୍ରହଣ କରାଯାଇଥାଏ ।
ନାଲି, ଗୋଲାପି ଏବଂ ନାରଙ୍ଗୀ ରଙ୍ଗ – ଏହି ତିନୋଟି ରଙ୍ଗ ପାରସ୍ପରିକ ସମ୍ବନ୍ଧକୁ ସୁଦୃଢ଼ କରିଥାନ୍ତି ତେଣୁ ଶୋଇବା ଘରେ ଏହି ରଙ୍ଗ ଗୁଡ଼ିକର ପ୍ରୟୋଗ ଲାଭକାରୀ ସାବ୍ୟସ୍ତ ହୋଇଥାଏ । ରୋଷେଇ ଘରେ ଲାଲ୍ ରଙ୍ଗ ଶୁଭ ଫଳରେ ବୃଦ୍ଧି କରିଥାଏ । ଘରର ମୁଖ୍ୟ ଦ୍ୱାର ପାଇଁ ରଙ୍ଗର ଚୟନ ଘରର ଦିଗ ଆଧାରରେ କରାଯିବା ଆବଶ୍ୟକ । ଏପରି କରିବା ଦ୍ୱାରା ଘରେ ସକାରାତ୍ମକ ବାତାବରଣର ବୃଦ୍ଧି ହେବା ସହ ସୁଖ ସମୃଦ୍ଧି ମଧ୍ୟ ଫେରି ଆସିଥାଏ ।

Leave A Reply

Your email address will not be published.