ଭୁବନେଶ୍ୱର, ୧୩ ମାର୍ଚ୍ଚ ୨୦୨୬: ବିଶ୍ୱ କିଡନୀ ଦିବସ ଅବସରରେ ମଣିପାଲ ହସ୍ପିଟାଲ୍ ଭୁବନେଶ୍ୱର ପକ୍ଷରୁ “K&D Performance Review” ନାମରେ ଏକ ନୂତନ ସାର୍ବଜନୀନ ସଚେତନତା ଅଭିଯାନ ଆରମ୍ଭ କରାଯାଇଛି। ଏହି ଅଭିଯାନର ମୁଖ୍ୟ ଉଦ୍ଦେଶ୍ୟ ହେଉଛି କିଡନୀ ସ୍ୱାସ୍ଥ୍ୟର ଗୁରୁତ୍ୱ ବିଷୟରେ ଲୋକଙ୍କୁ ସଚେତନ କରିବା ସହିତ ଆଗୁଆ ଚେକଅପ୍ କରିବାକୁ ପ୍ରୋତ୍ସାହନ ଦେବା। ଏହା ମାଧ୍ୟମରେ କେବଳ ଚିକିତ୍ସା ନୁହେଁ, ବରଂ ରୋଗ ପ୍ରତିରୋଧ ଉପରେ ଗୁରୁତ୍ୱ ଦିଆଯାଉଛି, ଯାହା ଦ୍ୱାରା ଲୋକମାନେ ନିଜ କିଡନୀ କେତେ ଭଲ ଭାବରେ କାମ କରୁଛି ସେଥିପାଇଁ ସଚେତନ ହେବେ ଏବଂ ନିୟମିତ ସ୍କ୍ରିନିଂର ଆବଶ୍ୟକତା ବୁଝିପାରିବେ।
୧୨ ମାର୍ଚ୍ଚ ୨୦୨୬ ତାରିଖରେ ହସ୍ପିଟାଲ୍ ପରିସରରୁ ଏହି ଅଭିଯାନର ଔପଚାରିକ ଶୁଭାରମ୍ଭ କରାଯାଇଥିଲା। ଏହି ଅବସରରେ ଆୟୋଜିତ ଏକ ଇଣ୍ଟର୍ଆକ୍ଟିଭ୍ ସେସନରେ ଅନେକ ଲୋକ ଯୋଗଦେଇ କିଡନୀ ସ୍ୱାସ୍ଥ୍ୟ ସମ୍ପର୍କରେ ଜାଣିଥିଲେ ଏବଂ ସେମାନଙ୍କର ମୌଳିକ ସ୍ୱାସ୍ଥ୍ୟ ପାରାମିଟର୍ ମଧ୍ୟ ପରୀକ୍ଷା କରାଇଥିଲେ। ଏହି ଅଭିଯାନକୁ ଆକର୍ଷଣୀୟ କରିବା ପାଇଁ ହସ୍ପିଟାଲ୍ ପକ୍ଷରୁ “Kid” ଓ “Ney” ନାମରେ ଦୁଇଟି ମାସକଟ୍ ମଧ୍ୟ ପରିଚୟ କରାଯାଇଛି। ଏହି ମାସକଟ୍ମାନେ ଆସନ୍ତା ଏକ ସପ୍ତାହ ଧରି ଭୁବନେଶ୍ୱର ଓ କଟକର ଭିଡ଼ ଅଞ୍ଚଳଗୁଡ଼ିକରେ ଘୁରି ଲୋକମାନଙ୍କୁ କିଡନୀ ସ୍ୱାସ୍ଥ୍ୟ ବିଷୟରେ ସଚେତନ କରିବେ। ସେମାନଙ୍କ ପାଖରେ ଥିବା QR Code କୁ ସ୍କାନ୍ କରି ଲୋକମାନେ କିଛି ପ୍ରଶ୍ନର ଉତ୍ତର ଦେଇ ନିଜ କିଡନୀ ପରୀକ୍ଷା କରାଇବାର ଆବଶ୍ୟକତା ଅଛି କି ନାହିଁ ସେଥି ପ୍ରସଙ୍ଗରେ ଜାଣିପାରିବେ।
ଜନସଚେତନତାକୁ ପ୍ରାୟୋଗିକ ପଦକ୍ଷେପରେ ପରିଣତ କରିବା ପାଇଁ ହସ୍ପିଟାଲ୍ ପକ୍ଷରୁ Kidney Risk Assessment ଫର୍ମ ପୂରଣ କରୁଥିବା ଲୋକମାନଙ୍କ ପାଇଁ ବିଶେଷ କିଡନୀ ସ୍କ୍ରିନିଂ ପ୍ୟାକେଜ୍ ମଧ୍ୟ ଆରମ୍ଭ କରାଯାଇଛି। ଏହା ମାଧ୍ୟମରେ କିଡନୀ ସ୍ୱାସ୍ଥ୍ୟର ସମ୍ପୂର୍ଣ୍ଣ ରିପୋର୍ଟ ମିଳିବ। ଏହି ପ୍ୟାକେଜ୍ଗୁଡ଼ିକ Basic, Intermediate ଓ Advanced ତିନୋଟି ଭିନ୍ନ ସ୍ତରରେ ଉପଲବ୍ଧ ରହିଛି ଏବଂ ୩୧ ମାର୍ଚ୍ଚ ୨୦୨୬ ପର୍ଯ୍ୟନ୍ତ ବୈଧ ରହିବ।
ଏହି ଅଭିଯାନକୁ ଏକ ଅଭିଜ୍ଞ ଡାକ୍ତର ଦଳ ନେତୃତ୍ୱ ଦେଉଛନ୍ତି। ଏଥିରେ ମୂତ୍ରରୋଗ ବିଶେଷଜ୍ଞ ଡାକ୍ତର ମାନସ ରଞ୍ଜନ ପ୍ରଧାନ, ଡାକ୍ତର ସୁବୋଧ ଦାଶଙ୍କ ସମେତ କିଡନୀରୋଗ ବିଶେଷଜ୍ଞ ଡାକ୍ତର ସାଇଁ ପ୍ରସାଦ ସାହୁ ଏବଂ ଡାକ୍ତର ସୁକାନ୍ତ କିଶୋର ଦାଶ ଭଳି ବିଶେଷଜ୍ଞ ଡାକ୍ତରମାନେ ଅନ୍ତର୍ଭୁକ୍ତ ଅଛନ୍ତି।
ଡାକ୍ତରମାନେ କହିଛନ୍ତି ଯେ ଅନେକ କିଡନୀ ରୋଗ ଧୀରେ ଧୀରେ ବଢ଼ିଥାଏ ଓ ଆରମ୍ଭରେ କୌଣସି ସ୍ପଷ୍ଟ ଲକ୍ଷଣ ଦେଖାଯାଏ ନାହିଁ। ଫଳରେ ଏହା ଅଧିକାଂଶ ସମୟରେ ଗୁରୁତର ଅବସ୍ଥାରେ ପହଞ୍ଚିଲେ ମାତ୍ର ଧରାପଡ଼େ। ସେଥିପାଇଁ “K&D Performance Review” ଅଭିଯାନ ମାଧ୍ୟମରେ କିଡନୀ ସ୍ୱାସ୍ଥ୍ୟକୁ ଲୋକମାନଙ୍କ ପାଇଁ ସହଜରେ ବୁଝିବା ଓ ନିୟମିତ ଭାବେ ନଜରରେ ରଖିବାକୁ ସହାୟତା କରାଯାଉଛି। ନିୟମିତ ସ୍କ୍ରିନିଂ ଓ ପ୍ରତିରୋଧମୂଳକ ଚିକିତ୍ସା ମାଧ୍ୟମରେ ଲୋକମାନେ ଆଗରୁ ଝୁମକିକୁ ଚିହ୍ନଟ କରି ସଠିକ୍ ପଦକ୍ଷେପ ନେଇ ନିଜ କିଡନୀ ସ୍ୱାସ୍ଥ୍ୟକୁ ସୁରକ୍ଷିତ ରଖିପାରିବେ।
ଅଧିକ ସୂଚନା ପାଇଁ Manipal Community Connect ପେଜ୍କୁ ଦେଖିବାକୁ ହସ୍ପିଟାଲ୍ ପକ୍ଷରୁ ଅନୁରୋଧ କରାଯାଇଛି।
Comments are closed.