ବ୍ୟାଙ୍କ୍ ଅଫ୍ ବରୋଦା ପକ୍ଷରୁ ଓଭିଏଲ୍ ଓଭରସିଜ୍ ଆଇଏଫଏସସି ଲିମିଟେଡ୍କୁ ୫୦୦ ନିୟୁତ ଆମେରିକୀୟ ଡଲାରର ୫-ବର୍ଷର ବୈଦେଶିକ ମୁଦ୍ରା ମିଆଦୀ ଋଣ ପ୍ରଦାନ
ଭୁବନେଶ୍ୱର : ଦେଶର ଅଗ୍ରଣୀ ବ୍ୟଙ୍କ୍, ବ୍ୟାଙ୍କ୍ ଅଫ୍ ବରୋଦା (ବିଓବି), ଓଏନଜିସି ବିଦେଶ ଲିମିଟେଡ୍ (ଓଭିଏଲ୍) ର ଏକ ଗିଫ୍ଟ ସିଟି ପଞ୍ଜିକୃତ ପୂର୍ଣ୍ଣ ମାଲିକାନା ସହାୟକ କମ୍ପାନୀ ଓଭିଏଲ୍ ଓଭରସିଜ୍ ଆଇଏଫ୍ଏସସି ଲିମିଟେଡ୍ (ଓଓଆଇଏଲ୍) କୁ ୫୦୦ ନିୟୁତ ଆମେରିକୀୟ ଡଲାରର ୫-ବର୍ଷର ବୈଦେଶିକ ମୁଦ୍ରା ମିଆଦୀ ଋଣ ପ୍ରଦାନ କରିଛି। ବ୍ୟାଙ୍କ ଅଫ୍ ବରୋଦା ଏବଂ ଓଏନଜିସି ବିଦେଶ ଲିମିଟେଡର ବରିଷ୍ଠ ବ୍ୟକ୍ତିମାନଙ୍କ ଉପସ୍ଥିତିରେ ଗିଫ୍ଟ ସିଟିର ବ୍ୟାଙ୍କ ଅଫ୍ ବରୋଦା ଆଇଏଫ୍ଏସସି ବ୍ୟାଙ୍କିଂ ୟୁନିଟ୍ରେ ଏହି ମିଆଦୀ ଋଣ ସୁବିଧା ପାଇଁ ଡ୍ରଡାଉନ୍ ସମାରୋହ ଅନୁଷ୍ଠିତ ହୋଇଥିଲା।
ବ୍ୟାଙ୍କ୍ ଅଫ୍ ବରୋଦାର କାର୍ଯ୍ୟନିର୍ବାହୀ ନିର୍ଦ୍ଦେଶକ ଶ୍ରୀ ଲଳିତ ତ୍ୟାଗୀ କହିଛନ୍ତି, “ଏହି ୫୦୦ ନିୟୁତ ଡଲାରର ସୁବିଧାର ସଫଳ କାରବାର ବ୍ୟାଙ୍କ ଅଫ୍ ବରୋଦାର ସିଣ୍ଡିକେଟେଡ୍ ବିଦେଶୀ ମୁଦ୍ରା ଋଣରେ କ୍ଷମତାକୁ ପ୍ରଦର୍ଶିତ କରେ। ଏହି କାରବାର ଗିଫ୍ଟ ସିଟିର ବର୍ଦ୍ଧିତ ପରିପକ୍ୱତା ଓ ଭାରତୀୟ ବ୍ୟାଙ୍କଗୁଡ଼ିକର ସୀମାପାର ପାଣ୍ଠି ସଂଗ୍ରହ ତଥା ଓଏନଜିସି ଭଳି ପିଏସୟୁ ଗୁଡ଼ିକର ବିଶ୍ୱସ୍ତରୀୟ କାର୍ଯ୍ୟକୁ ସମର୍ଥନ କରିବାରେ କ୍ଷମତାକୁ ସହଯୋଗ କରିପାରୁଛି। କର୍ପୋରେଟ୍ ଆର୍ôଥକ ସମାଧାନ ପ୍ରଦାନ କରି ଆମେ ଓଏନଜିସି ଗ୍ରୁପ୍ ସହିତ ଆମର ଦୀର୍ଘକାଳୀନ ସମ୍ପର୍କକୁ ଆହୁରି ଗଭୀର କରିବାକୁ ପ୍ରତିବଦ୍ଧ ଅଟୁ।”
ଶ୍ରୀ ଅନୁପମ ଅଗ୍ରୱାଲ, ନିର୍ଦ୍ଦେଶକ (ଅର୍ଥ ବିଭାଗ), ଓଏନଜିସି ବିଦେଶ ଲିମିଟେଡ୍ କହିଛନ୍ତି, “ବିଶ୍ୱସ୍ତରୀୟ କାର୍ଯ୍ୟଦକ୍ଷତା ବିସ୍ତାର ସହିତ ଏକ ପ୍ରକୃତ ବହୁରାଷ୍ଟ୍ରୀୟ ସଂସ୍ଥା ଭାବରେ, ଓଏନଜିସି ବିଦେଶ ଗିଫ୍ଟ ସିଟିକୁ ଆମର ଅଭିବୃଦ୍ଧି ରଣନୀତିର ଏକ ଗୁରୁତ୍ୱପୂର୍ଣ୍ଣ ସହାୟକ ଭାବରେ ଦେଖେ। ଆମେ ଆମର ଆନ୍ତର୍ଜାତୀୟ ବ୍ୟବସାୟକୁ ବୃଦ୍ଧି କରିବା ପାଇଁ ଏକ ଟ୍ରେଜେରୀ ମୁଖ୍ୟ ସ୍ନାୟୁ ତନ୍ତ୍ର ଭାବରେ ଓଭିଏଲ୍ ଓଭରସିଜ୍ ଆଇଏଫଏସସି ଲିମିଟେଡ୍ (ଓଓଆଇଏଲ୍) ପ୍ରତିଷ୍ଠା କରିଛୁ। ପ୍ରତିଯୋଗିତାମୂଳକ ବିଶ୍ୱ ପୁଞ୍ଜିର ପ୍ରବେଶକୁ ସହଜ କରିବାରେ ବ୍ୟାଙ୍କ ଅଫ୍ ବରୋଦାର ଭୂମିକାକୁ ଆମେ ପ୍ରଶଂସା କରୁଛୁ।”
ବ୍ୟାଙ୍କ ଅଫ୍ ବରୋଦାର ଆଇଏଫଏସସି ବ୍ୟାଙ୍କିଂ ୟୁନିଟ୍ (ଆଇବିୟୁ) ହେଉଛି ବ୍ୟାଙ୍କର ଆନ୍ତର୍ଜାତୀୟ ଉପସ୍ଥିତିର ଏକ ଗୁରୁତ୍ୱପୂର୍ଣ୍ଣ ସ୍ତମ୍ଭ ଏବଂ ଭାରତ ବାହାରେ ଏହାର ତୃତୀୟ ବୃହତ୍ତମ ଶାଖା, ଯାହାର ଏକ ବିବିଧ ପୋର୍ଟଫୋଲିଓ ଅଛି ଯାହା ସିଣ୍ଡିକେଟେଡ୍ କ୍ରେଡିଟ୍, ଖୁଚୁରା ବ୍ୟାଙ୍କିଂ ଏବଂ ବାଣିଜ୍ୟ ଆର୍ôଥକ କ୍ଷେତ୍ରରେ ବିସ୍ତୃତ ରହି ସେବା ପ୍ରଦାନ କରୁଛି। ଦ୍ରୁତ ଗତିରେ ବିକଶିତ ହେଉଥିବା ଗିଫ୍ଟ ସିଟି ଇକୋସିଷ୍ଟମରେ ଏକ ଅଗ୍ରଣୀ ଏବଂ ପ୍ରମୁଖ ଅଂଶୀଦାର ଭାବରେ ଏହାର ସ୍ଥିତିକୁ ସୁଦୃଢ଼ କରିବା ପାଇଁ ବ୍ୟାଙ୍କ ଏହି ପ୍ଲାଟଫର୍ମକୁ ବ୍ୟବହାର କରୁଛି।
Comments are closed.