ଟିପିଡବ୍ଲୁଓଡିଏଲ୍ ପକ୍ଷରୁ ସମ୍ବଲପୁର ସହରରେ ବିଦ୍ୟୁତ୍ ସେବାର ନିର୍ଭରଯୋଗ୍ୟତା ଏବଂ ନିରାପତ୍ତା ବୃଦ୍ଧି ପାଇଁ ଭିତ୍ତିଭୂମି ଉନ୍ନତିକରଣ କାର୍ଯ୍ୟକୁ ତୀବ୍ର କରାଯାଉଅଛି

ବୁର୍ଲା, ୨୪ ନଭେମ୍ବର ୨୦୨୫: ଟିପି ୱେଷ୍ଟର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ୍ (ଟିପିଡବ୍ଲୁଓଡିଏଲ୍) ପକ୍ଷରୁ ସମ୍ୱଲପୁର ସହରର ବିଦ୍ୟୁତ୍ ଭିତ୍ତିଭୂମିକୁ ସୁଦୃଢ଼ କରିବା ଏବଂ ଗ୍ରାହକମାନଙ୍କ ପାଇଁ ସୁରକ୍ଷିତ, ଅଧିକ ନିର୍ଭରଯୋଗ୍ୟ ବିଦ୍ୟୁତ୍ ସେବା ସୁନିଶ୍ଚିତ କରିବା ପାଇଁ ପ୍ରମୁଖ ସିଷ୍ଟମ ଗୁଡ଼ିକର ଉନ୍ନତିକରଣ କାର୍ଯ୍ୟକୁ ଅତି ତୀବ୍ରତର କରାଯାଉଅଛି । ଯାହା ନିରବଚ୍ଛିନ୍ନ ବିଦ୍ୟୁତ୍ ଯୋଗାଣ ଏବଂ ବିଦ୍ୟୁତ୍ ବିତରଣ ବ୍ୟବସ୍ଥାର ଭବିଷ୍ୟତ ପାଇଁ ପ୍ରସ୍ତୁତ ପ୍ରତି କମ୍ପାନୀର ଦୃଢ଼ ପ୍ରତିବଦ୍ଧତାକୁ ପ୍ରତିଫଳିତ କରୁଅଛି ।

୧. ସୁରକ୍ଷିତ, ନିର୍ଭରଯୋଗ୍ୟ ବିଦ୍ୟୁତ୍ ଯୋଗାଣ ପାଇଁ ଉନ୍ନତ ଏଲଟି (LT) ଲାଇନର ଅପଗ୍ରେଡସେନ୍

ମୁଖ୍ୟ ଧ୍ୟାନକେନ୍ଦ୍ରିତ କ୍ଷେତ୍ରଗୁଡ଼ିକ ମଧ୍ୟରୁ ଗୋଟିଏ ହେଉଛି ଲୋ-ଟେନସନ୍ (LT) ଲାଇନର ଅପଗ୍ରେଡେସନ୍। ଟ୍ରାନ୍ସଫର୍ମର ଆଉଟଗୋଇଂ ସର୍କିଟରେ ACBs, MCCBs ଏବଂ LT ଡିଷ୍ଟ୍ରିବ୍ୟୁସନ୍ ବକ୍ସ ଭଳି ଆଧୁନିକ ସୁରକ୍ଷା ଉପକରଣ ଲଗାଯାଇ ଦ୍ରୁତ ଭାବରେ ତ୍ରୁଟିଗୁଡ଼ିକର ଚିହ୍ନଟ ଏବଂ ପୃଥକୀକରଣ ସୁନିଶ୍ଚିତ କରାଯାଇପାରୁଛି । ଯାହା ଫଳରେ ବିଦ୍ୟୁତ୍ ବିଚ୍ଛିନ୍ନତାର ପ୍ରଭାବ କମୁଛି ଏବଂ ମୁଖ୍ୟ ଉପକରଣଗୁଡ଼ିକ ସୁରକ୍ଷିତ ହୋଇପାରୁଛି । ଫଳସ୍ୱରୂପ ଉଭୟ ଘରୋଇ ଏବଂ ବାଣିଜ୍ୟିକ ଗ୍ରାହକମାନେ ଅଧିକ ସ୍ଥିର ଏବଂ ନିରବଚ୍ଛିନ୍ନ ବିଦ୍ୟୁତ୍ ଯୋଗାଣ ପାଇ ପାରୁଛନ୍ତି ।

2. ସହରବ୍ୟାପୀ ବିଦ୍ୟୁତ୍ ଖୁଣ୍ଟର ମରାମତି ଏବଂ ନେଟୱାର୍କ ପୁନଃସଂଗଠନ ଅଭିଯାନ

ସେହିପରି କମ୍ପାନୀ ପକ୍ଷରୁ ସାମଗ୍ରିକ ବିଦ୍ୟୁତ୍ ଭିତ୍ତିଭୂମିର ଉନ୍ନତିକରଣ ପାଇଁ ସହରବ୍ୟାପୀ ବିଦ୍ୟୁତ୍ ଖୁଣ୍ଟର ମରାମତି ଏବଂ ନେଟୱାର୍କ ପୁନଃସଂଗଠନ ଅଭିଯାନ ମଧ୍ୟ ଆରମ୍ଭ କରାଯାଇଅଛି । ଅନେକ ଅଞ୍ଚଳରେ ପୋଲଗୁଡ଼ିକରେ ମାଡି ରହିଥିବା ଗଛଲତା ମଧ୍ୟ ସଫା କରାଯାଉଛି ଏବଂ ଅଧିକ ସଂଗଠିତ ଏବଂ ସଂରଚିତ ନେଟୱାର୍କ ସୃଷ୍ଟି କରିବା ପାଇଁ LT ଡିଷ୍ଟ୍ରିବ୍ୟୁସନ୍ ବକ୍ସଗୁଡ଼ିକ ସ୍ଥାପନ କରାଯାଉଛି । ଏହି ପଦକ୍ଷେପ ଲୋଡ୍ ପରିଚାଳନାକୁ ଅଧିକ ସୁଦୃଢ କରୁଛି ଏବଂ ଗ୍ରାହକମାନଙ୍କୁ ସୁରକ୍ଷିତ, ନିର୍ଭରଯୋଗ୍ୟ ବିଦ୍ୟୁତ୍ ଯୋଗାଣ ସୁନିଶ୍ଚିତ କରାଯାଇପାରୁଅଛି । ଏହି ପ୍ରୟାସ ସମଗ୍ର ସମ୍ବଲପୁରରେ ବୈଦ୍ୟୁତିକ ନେଟୱାର୍କର ଦୃଶ୍ୟମାନତା ଏବଂ ନିର୍ଭରଯୋଗ୍ୟତାକୁ ସ୍ପଷ୍ଟ ଭାବରେ ଉନ୍ନତ କରୁଛି ।

3. ଦ୍ରୁତ ତ୍ରୁଟି ପ୍ରତିକ୍ରିୟା ପାଇଁ ଡିଓ (DO) ଫ୍ୟୁଜ୍ ସ୍ଥାପନ

ଏହା ବ୍ୟତୀତ, କମ୍ପାନୀ ନେଟୱାର୍କର ଗୁରୁତ୍ୱପୂର୍ଣ୍ଣ ବିନ୍ଦୁଗୁଡ଼ିକରେ ପୁରୁଣା ଫ୍ୟୁଜ୍ ସିଷ୍ଟମଗୁଡ଼ିକୁ ଆଧୁନିକ ଡ୍ରପ୍-ଆଉଟ୍ (DO) ଫ୍ୟୁଜ୍ ସହିତ ବଦଳାଉଅଛି । (ଡିଓ) DO ଫ୍ୟୁଜ୍ ସ୍ଥାପନ ଦ୍ୱାରା ତ୍ରୁଟିପୂର୍ଣ୍ଣ ଅଂଶଗୁଡ଼ିକୁ ଦ୍ରୁତ ପୃଥକୀକରଣ ଏବଂ ତ୍ରୁଟିର ପ୍ରଭାବକୁ ଛୋଟ ଜୋନ୍ ପର୍ଯ୍ୟନ୍ତ ସୀମିତ ରଖାଯାଇ ପାରୁଅଛି । ଏହା ଦ୍ୱାରା କେବଳ ଟ୍ରାନ୍ସଫର୍ମର ଭଳି ପ୍ରମୁଖ ଉପକରଣ ସୁରକ୍ଷିତ ହୁଏ ନାହିଁ ବରଂ ବିଦ୍ୟୁତ୍ କର୍ମଚାରୀମାନଙ୍କୁ ଶୀଘ୍ର ବିଦ୍ୟୁତ୍ ପୁନରୁଦ୍ଧାର କରିବାରେ ସାହାଯ୍ୟ କରେ, ଯାହାଫଳରେ ସାମଗ୍ରିକ ଫିଡର କାର୍ଯ୍ୟଦକ୍ଷତାରେ ଉନ୍ନତି ଆସିଥାଏ ।

4. ଅଧିକ ସୁଗମ ଓ କାର୍ଯ୍ୟକ୍ଷମ ସଂଚାଳନ ପାଇଁ ଏବି (AB) ସ୍ୱିଚ୍ ସ୍ଥାପନ

ପରିଚାଳନା ଦକ୍ଷତାକୁ ଆହୁରି ବୃଦ୍ଧି କରିବା ପାଇଁ, କମ୍ପାନୀ ପକ୍ଷରୁ ସହର ସାରା ଗୁରୁତ୍ୱପୂର୍ଣ୍ଣ ସ୍ଥାନରେ ଏୟାର ବ୍ରେକ୍ (AB) ସ୍ୱିଚ୍ ସଂସ୍ଥାପନ କରାଯାଉଅଛି । ଏହି ସ୍ୱିଚ୍ କ୍ଷେତ୍ର ଦଳଗୁଡ଼ିକୁ ନେଟୱାର୍କକୁ ଶୀଘ୍ର ବିଭାଗୀକରଣ କରିବାକୁ ଏବଂ ସମ୍ପୂର୍ଣ୍ଣ ଫିଡରଗୁଡ଼ିକୁ ବନ୍ଦ ନକରି ରକ୍ଷଣାବେକ୍ଷଣ କରିବାକୁ ଅନୁମତି ପ୍ରଦାନ କରିଥାଏ । ଯାହାଫଳରେ ଆପଦ୍‌କାଳୀନ ସମୟରେ ଦ୍ରୁତ ପୁନରୁଦ୍ଧାର ସମ୍ଭବ ହେଉଛି ଏବଂ ଭବିଷ୍ୟତରେ ବର୍ଦ୍ଧିତ ବିଦ୍ୟୁତ୍ ଚାହିଦାକୁ ପରିଚାଳନା କରିବା ପାଇଁ ନେଟୱାର୍କକୁ ପ୍ରସ୍ତୁତ କରାଯାଇପାରୁଅଛି ।