- ଭୁବନେଶ୍ୱରରେ ଚାଲିଥିବା ଏହି ସଚେତନତା ଅଭିଯାନଟି ବଜାଜ୍ ଫାଇନାନ୍ସର ୧୦୦ଟି ସହରର ସାଇବର ସୁରକ୍ଷା କାର୍ଯ୍ୟକ୍ରମର ଏକ ଅଂଶ, ଯାହା ସାଇବର ଠକେଇର ବିଭିନ୍ନ ପ୍ରକାର ଦିଗ ବିଷୟରେ ସଚେତନ ହେବା ସହ ବ୍ୟକ୍ତିଗତ ଅର୍ଥକୁ ଠକେଇ ଠାରୁ କିପରି ସୁରକ୍ଷିତ ରଖିବା ବିଷୟରେ ସୂଚନା ଦେବାକୁ ଉଦ୍ଦିଷ୍ଟ
ଭୁବନେଶ୍ୱର: ଭାରତର ବୃହତମ ଅଣ ବ୍ୟାଙ୍କିଙ୍ଗ ଆର୍ôଥକ ସଂସ୍ଥା (ଏନବିଏଫ୍ସି) ଏବଂ ବଜାଜ୍ ଫିନସର୍ଭର ଏକ ଅଂଶ ବଜାଜ ଫାଇନାନ୍ସ ଲିମିଟେଡ୍ର ପକ୍ଷରୁ ଆଜି ଭୁବନେଶ୍ୱରରେ ଏକ ସାଇବର ଠକେଇ ସଚେତନତା ଅଭିଯାନ “ନକ୍ଆଉଟ୍ ଡିଜିଟାଲ୍ ଫ୍ରଡ୍” ଆୟୋଜନ କରିଛି ଯାହା ଡିଜିଟାଲ୍ ବ୍ୟବହାରକାରୀମାନଙ୍କୁ ବିଭିନ୍ନ ପ୍ରକାରର ବିପଦ ଏବଂ ଅର୍ଥକୁ ସୁରକ୍ଷିତ ରଖିବାର ସର୍ବୋତମ ପ୍ରଣାଳୀ ବିଷୟରେ ସୂଚନା ଦିଆଯାଇଛି।
ନକ୍ଆଉଟ୍ ଡିଜିଟାଲ୍ ଫ୍ରଡ୍ କାର୍ଯ୍ୟକ୍ରମ ଭାରତୀୟ ରିଜର୍ଭ ବ୍ୟାଙ୍କର ୨୦୨୪ ମସିହାର ନିର୍ଦ୍ଦେଶାବଳୀ ସହ ସମନ୍ୱିତ ଯାହା ଏନବିଏଫ୍ସିଗୁଡିକ ପାଇଁ ଠକେଇ ବିପଦ ପରିଚାଳନା ଉପରେ ଗୁରୁତ୍ୱାରୋପ କରୁଛି ଏବଂ ପ୍ରାରମ୍ଭିକ ଚିହ୍ନଟ, କର୍ମଚାରୀଙ୍କ ଦାୟିତ୍ୱ ଏବଂ ସାର୍ବଜନୀନ ସମ୍ପୃକ୍ତି ଉପରେ ଗୁରୁତ୍ୱ ଦେଉଛି ତଥା ଡିଜିଟାଲ୍ ପରିବେଶକୁ ସମସ୍ତଙ୍କ ପାଇଁ ସୁରକ୍ଷିତ କରିବ।
ଏହି କାର୍ଯ୍ୟକ୍ରମରେ ଠକମାନଙ୍କ ଦ୍ୱାରା କରାଯାଉଥିବା ନକଲି ସୋସିଆଲ୍ ମିଡିଆ ଆକାଉଂଟ୍, ଆର୍ଥିକ ସଂସ୍ଥା ଭଳି ଜାଲ୍ ହ୍ୱାଟସ୍ଆପ୍ ଗ୍ରୁପ୍ ଏବଂ ୱେବସାଇଟ୍, ମିଥ୍ୟା ଦାବି କରିବା ଏବଂ ତାଙ୍କ କର୍ମଚାରୀଙ୍କ ଭାବରେ ଅଭିନୟ କରି କରୁଥିବା ସାଧାରଣ ଆର୍ôଥକ ଠକେଇ ଆଡକୁ ନାଗରିକମାନଙ୍କ ଧ୍ୟାନକୁ ଆକର୍ଷିତ କରୁଛି।
ଏହି ସଚେତନତା ଅଭିଯାନ ସମ୍ପର୍କରେ ଭୁବନେଶ୍ୱର-କଟକ ପୋଲିସ କମିସନରେଟର ଏସିପି-ସାଇବର ଅପରାଧ ଶ୍ରୀ ଅକ୍ଷୟ କୁମାର ନାୟକ କହିଛନ୍ତି ଯେ, “ଆଜିର ଡିଜିଟାଲ୍ ଆଧାରିତ ସମାଜରେ ସୁରକ୍ଷା ବିଷୟରେ ଆମର ବୁଝାମଣା ପ୍ରତ୍ୟକ୍ଷ ପରିସୀମାଠାରୁ ଆଗକୁ ବଢ଼ିବା ଆବଶ୍ୟକ। ଆମର ଦେଶର ସୀମା ସୁରକ୍ଷା ବାହିନୀ ଦ୍ୱାରା ସୁରକ୍ଷିତ ରହିଥିବା ବେଳେ ଆମର ଆର୍ôଥକ ଏବଂ ଅନଲାଇନ୍ ସ୍ଥାନରେ ରହିଥିବା ଲୁକ୍କାୟିତ ବିପଦଗୁଡିକ ପ୍ରତି ସମାନ ଧ୍ୟାନ ଦେବା ଆବଶ୍ୟକ। ପ୍ରତାରଣାମୂଳକ ବିନିଯୋଗ ଯୋଜନାରୁ ଅସୁରକ୍ଷିତ ସାର୍ବଜନୀନ ୱାଇ-ଫାଇ ବ୍ୟବହାରର ବିପଦ ପର୍ଯ୍ୟନ୍ତ ଆମେ ପ୍ରତିଦିନ ସାଇବର ବିପଦର ସମ୍ମୁଖୀନ ହେଉଛୁ। ଡିଭାଇସ୍ରେ ଅଟୋ-ଡାଉନଲୋଡ୍ ସେଟିଂସ୍ ହାନିକାରକ ଏପିକେ ବିପଦ ଆଣିପାରେ ଏବଂ ହ୍ୱାଟସ୍ଆପ୍ କିମ୍ବା ସୋସିଆଲ୍ ମିଡିଆ ପରି ପ୍ଲାଟଫର୍ମରେ ଗୋପନୀୟତା ସମ୍ପର୍କିତ ସଚେତନତାର ଅଭାବ ଅନୁପ୍ରବେଶ ଦ୍ୱାର ଖୋଲିପାରେ।’’
ସାଇବର କ୍ଷେତ୍ରରେ ସୁରକ୍ଷିତ ରହିବା କେବଳ ଏକ ସତର୍କତା ନୁହେଁ, ଏହା ଏକ ଦାୟିତ୍ୱ। ଅଟୋ-ଡାଉନଲୋଡ୍କୁ ନିଷ୍କ୍ରିୟ କରିବା, ଅସୁରକ୍ଷିତ ନେଟୱର୍କ୍ଠାରୁ ଦୂରେଇ ରହିବା, ନିଜ ଆକାଉଂଟ୍୍ ସୁରକ୍ଷିତ ରଖିବା ଏବଂ ସନ୍ଦେହଜନକ କାର୍ଯ୍ୟକଳାପ ପ୍ରତି ସତର୍କ ରହିବା ପରି ସରଳ ପଦକ୍ଷେପଗୁଡିକ ଠକେଇ ବିପଦକୁ ଅନେକାଂଶରେ ହ୍ରାସ କରିପାରିବ। ଷ୍ଟପ୍ଏନ୍ସିଆଇଆଇ ଏବଂ ସଂଚାର ସାଥୀ ପରି ସଚେତନତା ସାଧନଗୁଡିକ ବ୍ୟବହାରକାରୀମାନଙ୍କୁ ସକ୍ରିୟ ଭାବରେ ସାଇବର ଅପରାଧ ଚିହ୍ନଟ କରିବା, ତାହାର ସୂଚନା ଦେବା ଏବଂ ପ୍ରତିରୋଧ କରିବାରେ ସଶକ୍ତ କରୁଛି।
ସାଇବର ଠକେଇ ଭେଦଭାବ କରେ ନାହିଁ। ଯେ କୌଣସି ସମୟରେ ଯେକୌଣସି ବ୍ୟକ୍ତି ଏହାର ଶିକାର ହୋଇପାରନ୍ତି। ସେଥିପାଇଁ ଗୋଲ୍ଡେନ୍ ଆୱାର ସମୟରେ ୧୯୩୦ ଡାଏଲ୍ କରି, ଏନସିଆର୍ପି ପୋର୍ଟାଲ୍ ପରିଦର୍ଶନ କରି କିମ୍ବା ନିକଟତମ ପୋଲିସ୍ ଷ୍ଟେସନ୍ରେ ଯୋଗାଯୋଗ କରି ସମୟ ଥିବା ଭିତରେ ଘଟଣା ବିଷୟରେ ଅବଗତ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ଆସନ୍ତୁ ଆମେ ପ୍ରଯୁକ୍ତିର ପରୋକ୍ଷ ବ୍ୟବହାରକାରୀ ହୋଇଥିବା ସତ୍ୱେ ଆମର ଡିଜିଟାଲ୍ ଜୀବନର ସକ୍ରିୟ ପ୍ରହରୀ ହେବା। ଆସନ୍ତୁ କେବଳ ସୁରକ୍ଷିତ ନୁହେଁ – ଆସନ୍ତୁ ସାଇବର ସୁରକ୍ଷିତ ହେବା।”
ଏହି ଅବସରରେ ଭରତପୁର ପୋଲିସ ଷ୍ଟେସନର ଅତିରିକ୍ତ ଆଇଆଇସି ଶ୍ରୀ ମାଧବାନନ୍ଦ ବସ୍ତିଆ କହିଛନ୍ତି ଯେ, “ଏହି ଗୁରୁତ୍ୱପୂର୍ଣ୍ଣ ଜାତୀୟ ଠକେଇ ସଚେତନତା ଅଭିଯାନର ଏକ ଅଂଶ ହେବାରେ ସନ୍ତୋଷଜନକ ଯାହା ଜନସାଧାରଣଙ୍କୁ ସଚେତନତ କରିବା ଏବଂ ସମସ୍ତଙ୍କ ପାଇଁ ଏକ ସୁରକ୍ଷିତ ସମାଜ ଗଠନ କରିବା ଲକ୍ଷ୍ୟ ରଖିଛି। ଅନଲାଇନ୍ ଏବଂ ଆର୍ôଥକ ଠକେଇ ବିଗତ କିଛି ବର୍ଷରେ ଦ୍ରୁତ ଗତିରେ ବୃଦ୍ଧି ପାଇଥିବା ଗୁରୁତର ବିପଦ ସୃଷ୍ଟି କରିଛି। ଲକ୍ଷ ଲକ୍ଷ ନିରୀହ ନାଗରିକ ଏହି ଠକୀମି ଶିକାର ହୋଇଛନ୍ତି। ସଚେତନତା ହେଉଛି ପ୍ରତିରୋଧର ପ୍ରଥମ ପଦକ୍ଷେପ ଏବଂ ଆମେ ଆମର ସମ୍ପ୍ରଦାୟକୁ ସୁରକ୍ଷିତ ରଖିବା ପାଇଁ ‘ଆଜି ସତର୍କ, ଆସନ୍ତାକାଲି ସୁରକ୍ଷିତ’ ଦୃଷ୍ଟିକୋଣ ଗ୍ରହଣ କରିବା ଆବଶ୍ୟକ। ଆସନ୍ତୁ ଆମେ ଠକମାନଙ୍କ ଦ୍ୱାରା ବସାଯାଇଥିବା ଫାନ୍ଦରେ ପଡ଼ିବା ନାହିଁ ଏବଂ ଆସନ୍ତୁ ଏହି ବାର୍ତା ଦେଶର ପ୍ରତ୍ୟେକ କୋଣକୁ ପ୍ରସାରିତ କରିବା।”
ଏହି ଅବସରରେ ବଜାଜ୍ ଫାଇନାନ୍ସ୍ର ପ୍ରବକ୍ତା କହିଛନ୍ତି ଯେ, “ଆମ ଗ୍ରାହକମାନଙ୍କର ଆର୍ôଥକ ସୁରକ୍ଷା ଆମ ପାଇଁ ସର୍ବୋଚ୍ଚ ଅଟେ। ଆମେ ସୋସିଆଲ ମିଡିଆ ପ୍ଲାଟଫର୍ମରେ ନିରନ୍ତର ଅନଲାଇନ୍ ଏବଂ ଅଫଲାଇନ୍ ପରାମର୍ଶ ଜାରି କରୁଛୁ ଏବଂ ନାଗରିକମାନଙ୍କ ସହିତ କ୍ଷେତ୍ର ସ୍ତରର ପରସ୍ପର କ୍ରିୟା ମାଧ୍ୟମରେ ସମସ୍ତଙ୍କୁ ସାଇବର ସୁରକ୍ଷିତ ରହିବାକୁ ଉତ୍ସାହିତ କରୁଛୁ।”
ଏହି କାର୍ଯ୍ୟକ୍ରମରେ ଉପସ୍ଥିତ ବିଶେଷଜ୍ଞ ଏବଂ ଗଣମାନ୍ୟମାନଙ୍କ ମଧ୍ୟରେ ଭୁବନେଶ୍ୱର-କଟକ ପୋଲିସ୍ କମିଶନରେଟ୍ର ଏସିପି-ସାଇବର୍ କ୍ରାଇମ ଶ୍ରୀ ଅକ୍ଷୟ କୁମାର ନାୟକ, ଓଡ଼ିଶା ପୋଲିସର ଭରତପୁର ପୋଲିସ ଷ୍ଟେସନର ଅତିରିକ୍ତ ଆଇଆଇସି ଶ୍ରୀ ମାଧବାନନ୍ଦ ବସ୍ତିଆ, ଆର୍ଯ୍ୟ ସ୍କୁଲ୍ ଅଫ୍ ମ୍ୟାନେଜମେଂଟ୍ ଆଣ୍ଡ୍ ଆଇଟିର ନିର୍ଦେଶକ ଶ୍ରୀ ମନ୍ମଥ ନୟକ ଏବଂ ଅବସରପ୍ରାପ୍ତ ଏସ୍ପି (କ୍ରାଇମ୍ବ୍ରାଂଚ୍) ଶ୍ରୀ ଅନିଲ ଦାଶ ଉପସ୍ଥିତ ଥିଲେ।
ନକ୍-ଆଉଟ୍ ଡିଜିଟାଲ୍ ଠକେଇ ସାଇବର ସମ୍ପ୍ରଦାୟକୁ ବ୍ୟକ୍ତିଗତ ଏବଂ ସମ୍ବେଦନଶୀଳ ସୂଚନାକୁ ସୁରକ୍ଷିତ ରଖିବା ପାଇଁ ମୂଲ୍ୟବାନ ସୁରକ୍ଷା ଟିପ୍ସ ପ୍ରଦାନ କରୁଛି। ଏଥିରେ ଓଟିପି ଓ ପିନ୍ କାହାକୁ ନ ଦେବା, ସନ୍ଦେହଜନକ ଇମେଲ୍, ଏମ୍ଏସ୍ଏମ୍, ଲିଙ୍କ୍, କ୍ୟୁଆର୍ କୋଡ୍ରେ କ୍ଲିକ୍ ନ କରିବା ଏବଂ ଅଜ୍ଞାତ ଉତ୍ସରୁ ଆପ୍ଲିକେସନ୍ ଡାଉନଲୋଡ୍ ନ କରିବା ଭଳି ପରାମର୍ଶ ଦିଆଯାଉଛି। ଏହି କାର୍ଯ୍ୟକ୍ରମ ଅଧୀନରେ ପ୍ରମୁଖ ସହର ଏବଂ ନଗରଗୁଡିକରେ ଏକାଧିକ ଭାବ ବିନିମୟ କର୍ମଶାଳା, ଡିଜିଟାଲ୍ ସଚେତନତା ଅଭିଯାନ ଏବଂ ଗୋଷ୍ଠୀ ଆଉଟ୍ରିଚ୍ କାର୍ଯ୍ୟକ୍ରମ ଆୟୋଜନ କରାଯାଉଛି।
Comments are closed.