ହିନ୍ଦୁଜା ଫାଉଣ୍ଡେସନ ପକ୍ଷରୁ ବିଶ୍ୱ ଯୁବ ଦକ୍ଷତା ଦିବସରେ ୧୫ ରାଜ୍ୟରେ ୮ ଲକ୍ଷ ଯୁବବର୍ଗଙ୍କ ସଶକ୍ତୀକରଣ

ଭୁବନେଶ୍ୱର: ୧୧୦ ବର୍ଷ ପୁରୁଣା ହିନ୍ଦୁଜା ଗ୍ରୁପ୍‌ର ସେବା ଶାଖା ହିନ୍ଦୁଜା ଫାଉଣ୍ଡେସନ ପକ୍ଷରୁ ବିଶ୍ୱ ଯୁବ ଦକ୍ଷତା ଦିବସରେ ହିନ୍ଦୁଜା ଗ୍ରୁପ୍‌ର କମ୍ପାନିଗୁଡ଼ିକ ସହଯୋଗିତାରେ ଭାରତର ଯୁବବର୍ଗଙ୍କୁ ଭବିଷ୍ୟତ ଲାଗି ପ୍ରସ୍ତୁତ ଦକ୍ଷତା ପ୍ରଦାନ କରିବା ଲାଗି ନିଜର ପ୍ରତିବଦ୍ଧତାକୁ ଦୋହରାଇଛି। ଶିକ୍ଷା ଓ ଜୀବିକା କାର୍ଯ୍ୟକ୍ରମ ଉପରେ ଫାଉଣ୍ଡେସନର ଗୁରୁତ୍ୱ ଭାରତର ଯୁବପିଢ଼ିଙ୍କୁ ଉଦ୍ଦେଶ୍ୟ ଓ ବିଶ୍ୱାସ ସହ ସଫଳ ହେବାରେ ସକ୍ଷମ କରିଛି।
ଦକ୍ଷତା ବିକାଶରେ ରୋଡ୍ ଟୁ ଲାଇଭ୍‌ଲିହୁଡ୍ (ଆର୍‌ଟିଏଲ୍‌) କାର୍ଯ୍ୟକ୍ରମ ଅଧୀନରେ ୧ ଲକ୍ଷ ଯୁବବର୍ଗଙ୍କୁ ସଶକ୍ତ କରାଯାଇଛି ଏବଂ ଅନ୍ୟାନ୍ୟ ଧନ୍ଦାମୂଳକ କାର୍ଯ୍ୟକ୍ରମ ଡିଜିଟାଲ ପ୍ରବିଣତା, ଯୋଗାଯୋଗ ଓ କର୍ମକ୍ଷେତ୍ର ପାଇଁ ପ୍ରସ୍ତୁତିରେ ଉନ୍ନତି ଆଣିପାରିଛି। ଶିକ୍ଷା କ୍ଷେତ୍ରରେ ୨୦୨୪-୨୫ ଆର୍ଥିକ ବର୍ଷରେ ୧୫ଟି ରାଜ୍ୟର ୭.୪ ଲକ୍ଷରୁ ଅଧିକ ଯୁବକଯୁବତୀ ରୋଡ୍ ଟୁ ସ୍କୁଲ୍ (ଆର୍‌ଟିଏସ୍‌), ରୋଡ୍ ଟୁ ଲାଇଭ୍‌ଲିହୁଡ୍ (ଆର୍‌ଟିଏଲ୍‌) କାର୍ଯ୍ୟକ୍ରମରେ ଉପକୃତ ହୋଇଛନ୍ତି।
ଏହି ଅଭିଯାନ ସମ୍ପର୍କରେ ହିନ୍ଦୁଜା ଫାଉଣ୍ଡେସନର ଷ୍ଟିୟରିଂ କମିଟିର ସଦସ୍ୟ ନମ୍ରତା ହିନ୍ଦୁଜା କହିଛନ୍ତି ଯେ, “ହିନ୍ଦୁଜା ଫାଉଣ୍ଡେସନରେ ଆମେ ଯୁବବର୍ଗଙ୍କ ସଶକ୍ତୀକରଣକୁ କେବଳ ଏକ କାର୍ଯ୍ୟକ୍ରମଭିତିକ ଲକ୍ଷ୍ୟ ଭାବେ ନୁହେଁ, ବରଂ ରାଷ୍ଟ୍ରଗଠନର ମୂଳଦୁଆ ଭାବେ ଦେଖୁଛୁ। ଲୋକମାନଙ୍କୁ ଦକ୍ଷତା, ମୂଲ୍ୟବୋଧ ଓ ଲକ୍ଷ୍ୟ ଜରିଆରେ ସମୃଦ୍ଧ କରି ଆମେ ଏଭଳି ଏକ ଭବିଷ୍ୟତର ମୁଳଦୁଆ ଗଠନ କରୁଛୁ ଯେଉଁଠାରେ ପ୍ରତିଟି ଯୁବକଯୁବତୀ ଏକ ଅଧିକ ଅନ୍ତର୍ଭୁକ୍ତୀକରଣ, ସ୍ଥିର ଓ ପ୍ରଗତିଶୀଳ ଭାରତ ପାଇଁ ପରିବର୍ତନର ବାର୍ତାବହ ହେବେ।”
ହିନ୍ଦୁଜା ଫାଉଣ୍ଡେସନର ସଭାପତି ପଲ୍ ଆବ୍ରାହମ୍ କହିଛନ୍ତି ଯେ, “୬୦୦ ନିୟୁତରୁ ଅଧିକ ଭାରତୀୟଙ୍କ ବୟସ ୨୫ ବର୍ଷରୁ କମ୍ ହୋଇଥିବା ବେଳେ ଯୁବ ଦକ୍ଷତାର ସମାଧାନ କରିବା ଏକ ଜାତୀୟ ଆବଶ୍ୟକତାରେ ପରିଣତ ହୋଇଛି। ଭବିଷ୍ୟତ ପାଇଁ ପ୍ରସ୍ତୁତ ଡିଜିଟାଲ୍ ଦକ୍ଷତା ଯୁବବର୍ଗଙ୍କୁ ପ୍ରଦାନ କରିବା ଦ୍ୱାରା ପ୍ରକୃତ ସଶକ୍ତୀକରଣ ହୋଇଥାଏ ବୋଲି ହିନ୍ଦୁଜା ଫାଉଣ୍ଡେସନରେ ଆମର ବିଶ୍ୱାସ ରହିଛି। ଡିଜିଟାଲ ବିଭେଦକୁ ଦୂର କରିବା ଏବଂ ତୃଣମୂଳ ନବସୃଜନକୁ ସମୃଦ୍ଧ କରି ଆମେ ଏଭଳି ଏକ ପିଢ଼ି ଗଠନ କରୁଛୁ ଯାହା ବିଶ୍ୱାସ, ସୃଜନଶୀଳତା ଓ ଉଦ୍ଦେଶ୍ୟ ସହିତ ଡିଜିଟାଲ୍ ଅର୍ଥନୀତିର ନେତୃତ୍ୱ ନେବ। ଜଳବାୟୁ ପରିବର୍ତନ, ସୁଚିନ୍ତିତ ସମ୍ବଳ ବିନିଯୋଗ ଏବଂ ସାମାଜିକ ଅସମାନତା ଭଳି ପ୍ରସଙ୍ଗଗୁଡ଼ିକୁ ଯୁବବର୍ଗଙ୍କୁ ବୁଝାଇବା ଏବଂ ତାହାର ମୁକାବିଲା ପାଇଁ ମାଧ୍ୟମ ବାହାର କରିବାରେ ମଧ୍ୟ ଆହ୍ୱାନ ରହିଛି।”
ଏହି ଉଦ୍ୟମଗୁଡ଼ିକ ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରଣାଳୟର “ସ୍କିଲ୍‌ଡ ଇଣ୍ଡିଆ” ଓ ଭାରତ ସରକାରଙ୍କ ବିକଶିତ ଭାରତ ଏଜେଣ୍ଡା ସହ ସମନ୍ୱିତ ରହିଛି। ଏକ ପିଢ଼ିକୁ ଡିଜିଟାଲ ସାକ୍ଷର, ସାମାଜିକ ସଚେତନ ଓ ଭବିଷ୍ୟତ ଲାଗି ପ୍ରସ୍ତୁତ କରି ହିନ୍ଦୁ ଫାଉଣ୍ଡେସନ ଭାରତ ସରକାରଙ୍କ ଆତ୍ମନିର୍ଭର ଓ ବିଶ୍ୱରେ ପ୍ରତିଯୋଗିତାର ଲକ୍ଷ୍ୟକୁ ସାକାର କରୁଛି।
ହିନ୍ଦୁଜା ଫାଉଣ୍ଡେସନର ଅଭିଯାନ ୭,୪୪,୩୦୦ ଛାତ୍ରଛାତ୍ରୀ, ୭୯୬୫ ସ୍କୁଲ, ୧୮୦୦୦ ଶିକ୍ଷାବିତ, ୨,୪୦,୦୦୦ ଗୋଷ୍ଠୀ ସଦସ୍ୟଙ୍କ ପାଖରେ ପହଂଚିଛି ଏବଂ ୭୨% ଡ୍ରପ୍‌ଆଉଟ୍ ରୋକିପାରିଛି। ଏହା ୧୫,୪୬୪ ଛାତ୍ରଛାତ୍ରୀଙ୍କୁ ଘରୋଇରୁ ସରକାରୀ ସ୍କୁଲ୍‌କୁ ଆଣିବାରେ ସହାୟକ ହୋଇପାରିଛି।