ପୂର୍ବ ଭାରତର ୭୩% ଲୋକ ବେଆଇନ ମଶା ଘଉଡ଼ାଇବା ଧୂପକାଠି ବ୍ୟବହାର ବେଳେ ଅସହଜ ମନେ କରନ୍ତି: ଗୁଡ ନାଇଟ ସର୍ବେକ୍ଷଣ

ଭୁବନେଶ୍ୱର: ଗୋଦରେଜ କଂଜ୍ୟୁମର ପ୍ରଡକ୍ଟସ ଲିମିଟେଡର ମଶା ଘଉଡ଼ାଇବା ଉତ୍ପାଦ ବ୍ରାଣ୍ଡ ଗୁଡ ନାଇଟ ପକ୍ଷରୁ କରାଯାଇଥିବା ଏକ ସର୍ବେକ୍ଷଣରୁ ଜଣାପଡ଼ିଛି ଯେ ପୂର୍ବ ଭାରତରେ ୭୩ ପ୍ରତିଶତ ଲୋକ ବେଆଇନ ମଶା ଘଉଡ଼ାଇବା ଧୁପକାଠି ବ୍ୟବହାର ବେଳେ ନିଜକୁ ଅସହଜ ଓ ଚିଡ଼ିଚିଡ଼ା ମନେ କରନ୍ତି। ‘ଗୋଟିଏ ମଶା, ଅସଂଖ୍ୟ ବିପଦ’ ନାମକ ଏହି ରିପୋର୍ଟରେ ମଶା ଘଉଡ଼ାଇବା ଉତ୍ପାଦ ଓ ମଶା ବାହିତ ରୋଗ ସହ ଜଡ଼ିତ ବିପଦ ଜାଣିବାକୁ ଉଦ୍ୟମ କରାଯାଇଥିଲା। ପୂର୍ବ ଭାରତରେ ପଶ୍ଚିମବଙ୍ଗ, ଆସାମ, ବିହାର ଓ ଝାଡ଼ଖଣ୍ଡ ଭଳି ରାଜ୍ୟର ଲୋକମାନେ ବେଆଇନ ମଶା ଘଉଡ଼ାଇବା ଧୁପକାଠିକୁ ନେଇ ଚିନ୍ତା ପ୍ରକଟ କରିଛନ୍ତି।
ଜାତୀୟ ସ୍ତରରେ ୬୯ ପ୍ରତିଶତ ଲୋକ ବେଆଇନ ମଶା ଘଉଡ଼ାଇବା ଧୁପକାଠିକୁ ନେଇ ଅସହଜ ମନେ କରୁଥିବା ବେଳେ ପୂର୍ବ ଭାରତରେ ସେହି ହାର ସର୍ବାଧିକ ୭୩ ପ୍ରତିଶତ, ଉତରରେ ୬୯ ପ୍ରତିଶତ, ଦକ୍ଷିଣରେ ୬୭ ପ୍ରତିଶତ ଓ ପଶ୍ଚିମରେ ୬୭ ପ୍ରତିଶତ ରହିଛି। ଲିଙ୍ଗଗତ ଦୃଷ୍ଟିରୁ ୭୦ ପ୍ରତିଶତ ପୁରୁଷ ଓ ୬୭ ମହିଳା ଅସହଜ ମନେ କରୁଥିବା କହିଛନ୍ତି।
ପୂର୍ବ ଭାରତରେ ୫୬ ପ୍ରତିଶତ ଲୋକ ଜଣାଇଛନ୍ତି ଯେ ମଶା ଘଉଡା଼ଇବା ଉତ୍ପାଦ କିଣିବା ବେଳେ ସେମାନେ ସୁରକ୍ଷାକୁ ପ୍ରାଥମିକତା ଦେଉଛନ୍ତି। ୭୧ ପ୍ରତିଶତ ଲୋକ ସରକାରୀ ଅନୁମୋଦିତ ଓ ସୁରକ୍ଷିତ ମଶା ଘଉଡ଼ାଇବା ଉତ୍ପାଦ ବ୍ୟବହାର କରିବାକୁ ପସନ୍ଦ କରୁଛନ୍ତି। ସୁରକ୍ଷିତ ଉତ୍ପାଦକୁ ଲୋକମାନେ ପସନ୍ଦ କରୁଥିବା ବେଳେ ବେଆଇନ ଉତ୍ପାଦ ବ୍ୟବହାର ବଢ଼ିଚାଲିଛି।
ପୂର୍ବ ଭାରତରେ ବେଆଇନ ମଶା ଘଉଡ଼ାଇବା ଧୁପକାଠି ବଜାର ୬୦୦ କୋଟି ଟଙ୍କା ଆକଳନ କରାଯାଇଛି ଯାହା ସର୍ବଭାରତୀୟ ସ୍ତରରେ ହେଉଛି ୧୬୭୫ କୋଟି ଟଙ୍କା। ଏହି ବଜାର ବାର୍ଷିକ ୨୦ ପ୍ରତିଶତ ହାରରେ ବଢ଼ୁଛି।
ଗୋଦରେଜ କଂଜ୍ୟୁମର ପ୍ରଡକ୍ଟସ୍ ଲିମିଟେଡ୍ (ଜିସିପିଏଲ)ର ମାର୍କେଟିଂ ମୁଖ୍ୟ –ହୋମ କେୟାର ଶିଳ୍ପା ସୁରେଶ କହିଛନ୍ତି ଯେ, ‘‘ଆମର ସର୍ଭେର ଫଳାଫଳ ପୂର୍ବାଚଂଳରେ ନାଗରିକମାନଙ୍କ ମଧ୍ୟରେ ବେଆଇନ ମଶା ଘଉଡ଼ାଇବା ଧୂପକାଠିର ବଢ଼ୁଥିବା ବ୍ୟବହାର ବିଷୟରେ ଚିନ୍ତା ପ୍ରକଟ କରାଯାଇଛି। ଏହି ଧୂପକାଠି ଅଧିକାଂଶ ବେଆଇନ ଭାବେ ଉତ୍ପାଦନ, ନିୟମର ଅଭାବ ଏବଂ ଅଣ-ପଞ୍ଜୀକୃତ ରାସାୟନିକ ପଦାର୍ଥ ବ୍ୟବହାର ଦ୍ୱାରା ଗୁରୁତର ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ। ଭାରତର ଅଗ୍ରଣୀ ମଶା ଘଉଡ଼ାଇବା ବ୍ରାଣ୍ଡ୍ ଭାବେ ଗୁଡ ନାଇଟ ପରିବାରଗୁଡ଼ିକୁ ସୁରକ୍ଷା ଦେବା ଏବଂ ସୁରକ୍ଷିତ ବିକଳ୍ପଗୁଡ଼ିକ ପାଇଁ ପ୍ରଚାର ଜାରି ରଖିଛି। ଆମେ ବିଜ୍ଞାନ ଏବଂ ନବସୃଜନ ଦ୍ୱାରା ସମର୍ôଥତ, ସରକାରୀ-ଅନୁମୋଦିତ ସୁରକ୍ଷିତ ସମାଧାନ ପ୍ରଦାନ କରୁଛୁ ବୋଲି ଆମର ଉଦ୍ଦେଶ୍ୟ ପ୍ରେରିତ ପଦ୍ଧତି ନିଶ୍ଚିତ କରୁଛି। ଆସନ୍ତୁ, ଆମେ କେବଳ ଆମ ଘର ପାଇଁ ନୁହେଁ, ବରଂ ଦେଶର ଲୋକଙ୍କ କଲ୍ୟାଣ ପାଇଁ ଠିକ୍ ବିକଳ୍ପ ଚୟନ କରିବା।’’
ହୋମ ଇନସେକ୍ଟସ କଂଟ୍ରୋଲ ଆସୋସିଏସନର ସମ୍ପାଦକ ଜୟନ୍ତ ଦେଶପାଣ୍ଡେ କହିଛନ୍ତି ଯେ, ‘ବେଆଇନ ଏବଂ ଚାଇନିଜ୍ ରାସାୟନିକ ଯୁକ୍ତ ମଶା ଘଉଡ଼ାଇବା ଧୂପକାଠି ଭାରତର ଘରେ ଘରେ ପ୍ରବେଶ କରୁଥିବା ଏକ ନୀରବ ହତ୍ୟାକାରୀ ଅଟେ। ପ୍ରତାରଣାମୂଳକ ନାମରେ ବିକ୍ରି ହୋଇଥିବା ଏହି ଧୂପକାଠି ଅସ୍ଥାୟୀ ଉତ୍ପାଦକଙ୍କ ଦ୍ୱାରା ପ୍ରସ୍ତୁତ କରାଯାଉଛି ଏବଂ ଏଗୁଡ଼ିକ ନିୟମ ଅନୁସାରେ ଯାଂଚ କରାଯାଏ ନାହିଁ ଏବଂ ଅଣ-ପଞ୍ଜୀକୃତ ରାସାୟନିକ ପଦାର୍ଥ ବ୍ୟବହାର କରାଯାଇଥାଏ। ସରକାରୀ ଭାବେ ଅନୁମୋଦିତ ଉତ୍ପାଦଗୁଡ଼ିକର ପ୍ୟାକେଜିଂରେ ସେଂଟ୍ରାଲ ଇନସେକ୍ଟିସାଇଡସ ବୋର୍ଡ ଆଣ୍ଡ ରେଜିଷ୍ଟ୍ରେସନ କମିଟି (ସିଆଇବିଆରସି)ର ଅନୁମୋଦିତ ସଂଖ୍ୟା ଥାଏ, ଯାହା ଲୋକଙ୍କୁ କ୍ରୟ ସମୟରେ ସେଗୁଡ଼ିକର ପ୍ରାମାଣିକତା ଯାଂଚ କରିବାର ସୁଯୋଗ ଦେଇଥାଏ। ପ୍ୟାକର ପଛ ପାର୍ଶ୍ୱରେ ସରକାରୀ ଅନୁମୋଦନର ବର୍ଷ ପରେ ପଂଜୀକରଣ ସଂଖ୍ୟା ଉଲ୍ଲେଖ କରାଯାଇଥାଏ, ଯାହା ଉତ୍ପାଦର ପ୍ରାମାଣିକତା ଏବଂ ସୁରକ୍ଷା ନିଶ୍ଚିତ କରୁଛି। ଏହି ଅନୁମୋଦିତ ମଶା ଘଉଡ଼ାଇବା ଧୂପକାଠି ବର୍ଷ ବର୍ଷ ଧରି କଠୋର ପରୀକ୍ଷା ଦେଇ ଗତି କରିଥାଏ, ଯାହା ନିଶ୍ଚିତ କରୁଛି ଯେ ସେଗୁଡ଼ିକ ସୁରକ୍ଷା ଏବଂ ପ୍ରଭାବଶାଳୀ ମାନଦଣ୍ଡ ପୂରଣ କରୁଛି ଏବଂ ଲୋକଙ୍କୁ ନିଶ୍ଚିତ କରୁଛି ଯେ ଏହି ଉତ୍ପାଦଗୁଡ଼ିକ ବ୍ୟବହାର କରିବା ଦ୍ୱାରା ସେମାନଙ୍କୁ କୌଣସି କ୍ଷତି ହେବ ନାହିଁ।”