୫ ଆଇଇଡି, ୱାୟରଲେସ ଏବଂ ପୋଷାକ ଜବତ, ଶ୍ରୀନଗର- ଜମ୍ମୁରେ ବଢାଗଲା ସୁରକ୍ଷା ବ୍ୟବସ୍ଥା

ଜମ୍ମୁ-କଶ୍ମୀରର ପୁଞ୍ଚରେ ସୁରକ୍ଷାବାହିନୀ ଏକ ଆତଙ୍କବାଦୀ ଆଶ୍ରୟସ୍ଥଳୀ ଠାବ କରିଛି। ସେଠାରୁ ୫ଟି ଆଇଇଡି, ଗୋଟିଏ ଓୟାରଲେସ୍ ସେଟ୍ ଓ କିଛି ପୋଷାକ ଜବତ କରାଯାଇଛି। ପୁଞ୍ଚର ସୁରନକୋଟର ମାର୍ହୋଟ ଗାଁରେ ଏମାନେ ଲୁଚି ରହିଥିବା ଦେଖିବାକୁ ମିଳିଥିଲା। ସୁରକ୍ଷା ବାହିନୀ କହିଛି ଯେ ଏହା ଏପରି ଏକ ସ୍ଥାନ ଯେଉଁଠାରେ ଆତଙ୍କବାଦୀମାନେ ଲୁଚି ରହିଥାନ୍ତି । ଏହି ଉଦ୍ଧାର ପରେ ଜମ୍ମୁର ଶ୍ରୀନଗର ସେଣ୍ଟ୍ରାଲ ଜେଲ ଏବଂ କୋଟ ବଲୱାଲ ଜେଲ ଚାରିପାଖରେ ସୁରକ୍ଷା ବଢ଼ାଇ ଦିଆଯାଇଛି, ଯେଉଁଠାରେ ଆକ୍ରମଣରେ ସାହାଯ୍ୟ କରୁଥିବା ଅନେକ ଆତଙ୍କବାଦୀ ବନ୍ଦୀ ଅଛନ୍ତି। ଗୁଇନ୍ଦା ସତର୍କ ସୂଚନା ପରେ ଏହି ପଦକ୍ଷେପ ନିଆଯାଇଛି। ଜମ୍ମୁର କୋଟ ବିଲାଓ୍ଵାଲ ଜେଲରେ ଲସ୍କରର ଓଭରଗ୍ରାଉଣ୍ଡ କର୍ମୀ ନିସାର ଅହମ୍ମଦ ଓ ମୁସ୍ତାକ ହୁସେନଙ୍କୁ ଏନଆଇଏ ପଚରାଉଚରା କରିଛି। ଉଭୟ ପହଲଗାମ ଆକ୍ରମଣରେ ସନ୍ଦିଗ୍ଧ। ୨୦୨୩ରେ ଡାଙ୍ଗରୀରେ ହୋଇଥିବା ଆତଙ୍କବାଦୀ ଆକ୍ରମଣ ମାମଲାରେ ମଧ୍ୟ ସେମାନଙ୍କୁ ଗିରଫ କରାଯାଇଥିଲା। ଏହି ଆକ୍ରମଣରେ ସେମାନେ ଆତଙ୍କବାଦୀଙ୍କୁ ମଧ୍ୟ ସହଯୋଗ କରିଥିଲେ। ପହଲଗାମ ଆକ୍ରମଣରେ ଉଭୟ ଓଭରଗ୍ରାଉଣ୍ଡ କର୍ମୀ ଆତଙ୍କବାଦୀଙ୍କୁ ସାହାଯ୍ୟ କରିଥିବା ସନ୍ଦେହ କରାଯାଉଛି।