ଯାଜପୁର ଜିଲ୍ଲ ଦାନଗଦି ବ୍ଲକର ରଣାଗୁଣ୍ଡି ଗ୍ରାମ ପଞ୍ଚାୟତରେ ନୀଳାଚଳ ଇସ୍ପାତ ନିଗମ ଲିମିଟେଡ୍ (ଏନ୍ଆଇଏନ୍ଏଲ୍) ସହଯୋଗରେ ଟାଟା ଷ୍ଟିଲ୍ ଫାଉଣ୍ଡେସନ୍ (ଟିଏସ୍ଏଫ୍) ପକ୍ଷରୁ କୃଷକମାନଙ୍କ ଜୀବିକାକୁ ସୁଦୃଢ଼ କରିବା ପାଇଁ ଏକ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ଏଥିରେ ଆଧୁନିକ କୃଷି ଏବଂ ଜଳବାୟୁ ସହନଶୀଳ ଚାଷ ପଦ୍ଧତି ବିଷୟରେ କୃଷକମାନଙ୍କ ସଚେତନ କରାଯାଇଥିଲା। ଏହି କାର୍ଯ୍ୟକ୍ରମରେ ପାଖାପାଖି ୧୮ଟି କୃଷକ ସଂଘର ପ୍ରତିନିଧି ଯୋଗ ଦେଇଥିଲେ। ଏହି ସଂଘଗୁଡ଼ିକ ଆଖପାଖ ଅଞ୍ଚଳର ବିଭିନ୍ନ ଗ୍ରାମ ପଞ୍ଚାୟତର ୧୬୦ରୁ ଅଧିକ କୃଷକଙ୍କ ପ୍ରତିନିଧିତ୍ୱ କରିଥିଲେ।
ଏହି କାର୍ଯ୍ୟକ୍ରମ ରେ ଚାଷୀମାନଙ୍କୁ ବିହନ ମାର୍କର ଓ ବିହନ ରୋପଣର ମାନୁଆଲ ବଣ୍ଟନ କରାଯାଇଥିଲା। ସ୍ଥାୟୀ ଏବଂ ଜଳବାୟୁ ସହନଶୀଳ ଚାଷ ପ୍ରଣାଳୀକୁ ସମର୍ଥନ କରିବା ପାଇଁ ଏହି ଉପକରଣ ପ୍ରଦାନ କରାଯାଇଥିଲା। ଯାହା ଦ୍ୱାରା ଧାନ ରକ୍ଷଣାବେକ୍ଷଣ ପ୍ରଣାଳୀ (ଏସଆରଆଇ) ଭଳି ସ୍ଥାୟୀ ଏବଂ ଜଳବାୟୁ ସହନଶୀଳ ଚାଷ ପଦ୍ଧତିକୁ ସମର୍ଥନ କରାଯାଇପାରିବ। ରଣାଗୁଣ୍ଡି ଗ୍ରାମପଞ୍ଚାୟତ ସରପଞ୍ଚ ତୁଷାର ରଞ୍ଜନ ଜେନାଙ୍କ ଉପସ୍ଥିତିରେ ଏହି ବଣ୍ଟନ କାର୍ଯ୍ୟ ଅନୁଷ୍ଠିତ ହୋଇଥିଲା। ଏଥିରେ ଟାଟା ଷ୍ଟିଲ୍ ଫାଉଣ୍ଡେସନ୍ (ଟିଏସ୍ଏଫ୍)ର କର୍ମଚାରୀମାନେ ମଧ୍ୟ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ କୃଷକମାନଙ୍କ ପାଇଁ ପ୍ରଶିକ୍ଷଣ ଦିଆଯାଇଥିଲା। ଏହି କାର୍ଯ୍ୟକ୍ରମରେ କୃଷକମାନଙ୍କ ପାଇଁ ପ୍ରଶିକ୍ଷଣ ଅଧିବେଶନ ଏବଂ ଦକ୍ଷତା ବିକାଶ କାର୍ଯ୍ୟକଳାପ ମଧ୍ୟ ଅନ୍ତର୍ଭୁକ୍ତ ଥିଲା ଯେଉଁଥିରେ ଉତ୍ପାଦକତା ଏବଂ ଆୟ ବୃଦ୍ଧି ପାଇଁ ଦୀର୍ଘସ୍ଥାୟୀ କୃଷି ପଦ୍ଧତି ଉପରେ ଗୁରୁତ୍ୱ ପ୍ରଦାନ କରାଯାଇଥିଲା।
ଏନ୍ଆଇଏନ୍ଏଲ୍ ର ପରିଚାଳନା ନିର୍ଦେଶକ ତଥା ସିଇଓ ସୁଧୀର ମେହେତା କହିଛନ୍ତି, ଜଳବାୟୁ ପରିବର୍ତ୍ତନ ଯୋଗୁଁ ସୃଷ୍ଟି ହୋଇଥିବା ଆହ୍ୱାନ ମଧ୍ୟରେ ସମାଧାନ ସୃଷ୍ଟି, କୃଷି ଉତ୍ପାଦକତା ବୃଦ୍ଧି ଏବଂ କୃଷକମାନଙ୍କ ଜୀବିକାକୁ ସୁରକ୍ଷିତ କରିବା ଦିଗରେ ସ୍ଥାନୀୟ ଲୋକମାନଙ୍କ ସହ କାର୍ଯ୍ୟ କରିବା ଏହି କାର୍ଯ୍ୟକ୍ରମର ମୁଖ୍ୟଲକ୍ଷ୍ୟ ବୋଲି ଶ୍ରୀ ମେହେତା କହିଛନ୍ତି।
କୃଷକମାନଙ୍କୁ ପ୍ରଦାନ କରାଯାଇଥିବା ବିହନ ମାର୍କର ଚାରାର ଉପଯୁକ୍ତ ବ୍ୟବଧାନ ସୁନିଶ୍ଚିତ କରିବାରେ ସହାୟକ ହେବ। ଏହାଦ୍ୱାରା ଉତ୍ତମ ଅଭିବୃଦ୍ଧି ଓ ଅଧିକ ଅମଳ ହେବ। ଏହା ଫଳରେ ମକା ଭଳି ଶୁଖିଲା ଜମି ଫସଲ ପାଇଁ ରୋପଣ ଦକ୍ଷତାରେ ଉନ୍ନତି ଅଣାଯାଇ ପାରିବ। ଯାହା ଅଧିକ ଅମଳରେ ସହାୟକ ହେବ।
ବର୍ତ୍ତମାନ ସୁଦ୍ଧା ଫାଉଣ୍ଡେସନର ଏହି ପ୍ରୟାସ କଳିଙ୍ଗନଗର ଅଞ୍ଚଳର ପ୍ରାୟ ୮୦୦ ଲୋକଙ୍କ ଜୀବନକୁ ସକାରାତ୍ମକ ଭାବେ ପ୍ରଭାବିତ କରିଛି। ଏଥିରେ ଜଳବାୟୁ ସହନଶୀଳ କୃଷି ପଦ୍ଧତିକୁ ପ୍ରୋତ୍ସାହିତ କରାଯାଉଛି। ଏ ନେଇ ଟାଟା ଷ୍ଟିଲ୍ ଫାଉଣ୍ଡେସନ୍ ଦ୍ୱାରା ନିଆଯାଇଥିବା ପଦକ୍ଷେପା ଦ୍ୱାରା ମଧ୍ୟ ପ୍ରାୟ ୧୨,୫୦୦ କୃଷକ ଉପକୃତ ହୋଇପାରିଛନ୍ତି। ସ୍ଥାନୀୟ ଲୋକମାନଙ୍କ ସହ ଘନିଷ୍ଠ ଭାବରେ କାର୍ଯ୍ୟ କରିବା ପାଇଁ ଏହି ପ୍ରୟାସ ଟିଏସଏଫର ମିଶନର ଏକ ଅଂଶ। ସ୍ଥାୟୀ ଚାଷ ପଦ୍ଧତିରେ ଉନ୍ନତି ଆଣିବା ଏବଂ ଦୀର୍ଘମିଆଦୀ ଖାଦ୍ୟ ନିରାପତ୍ତାକୁ ସମର୍ଥନ କରିବା ଏହାର ଲକ୍ଷ୍ୟ।
Comments are closed.