ଆଇଆଇଏମ୍ ସମ୍ବଲପୁର ପକ୍ଷରୁ ମ୍ୟାନେଜମେଂଟ୍ ଇମର୍ସନ ପ୍ରୋଗ୍ରାମ ଆୟୋଜିତ

ଭୁବନେଶ୍ୱର: ଭାରତର ପ୍ରିମିୟର ମ୍ୟାନେଜମେଂଟ୍ ପ୍ରତିଷ୍ଠାନ ଆଇଆଇଏମ୍ ସମ୍ବଲପୁର ପକ୍ଷରୁ ଆଇଆଇ୍‌ଏଲ୍‌ଏମ ବିଶ୍ୱବିଦ୍ୟାଳୟର ଛାତ୍ରଛାତ୍ରୀମାନଙ୍କ ଲାଗି ଚାରି ଦିନିଆ ଆବାସିକ କାର୍ଯ୍ୟକ୍ରମ ମ୍ୟାନେଜମେଂଟ୍ ଇମର୍ସନ କାର୍ଯ୍ୟକ୍ରମ (ଏମ୍‌ଆଇପି)ର ସମାନ କରାଯାଇଛି, ଯାହାର ଲକ୍ଷ୍ୟ ହେଉଛି ମ୍ୟାନେଜମେଂଟ୍ ଶିକ୍ଷା ଓ ଆଇଆଇଏମ୍ ସମ୍ବଲପୁର କ୍ୟାମ୍ପସ ଜୀବନର ଅନୁଭୂତି ପ୍ରଦାନ କରିବା । ୨୦୨୪ ଜୁଲାଇ ୩୦ରୁ ଅଗଷ୍ଟ ୨ ତାରିଖ ପର୍ଯ୍ୟନ୍ତ ଅନୁଷ୍ଠିତ ଏହି ଇମର୍ସିଭ୍ କାର୍ଯ୍ୟକ୍ରମକୁ ଆଇଆଇଏଲ୍‌ଏମ୍ ବିଶ୍ୱବିଦ୍ୟାଳ୍ରର ୬୨ ଛାତ୍ରଛାତ୍ରୀଙ୍କୁ ଫ୍ଲିପ୍‌ଡ ଶ୍ରେଣୀଗୃହ ଏବଂ ବିଭିନ୍ନ ପ୍ରକାରର ଭାବ ବିନିମୟ ଅଧିବେଶନ, କର୍ମଶାଳା ଓ ଆଇଆଇଏମ୍ ସମ୍ବଲପୁରର ଫାକଲ୍‌ଟି ଓ ଶିଳ୍ପ ବିଶେଷଜ୍ଞଙ୍କ ଦ୍ୱାରା ଆୟୋଜିତ କେସ୍ ଷ୍ଟଡି ଜରିଆରେ ସ୍ୱତନ୍ତ୍ର ଅନୁଭୂତି ପ୍ରଦାନ କରିବା ଲାଗି ପ୍ରସ୍ତୂତ କରାଯାଇଥିଲା । ଏହି କାର୍ଯ୍ୟକ୍ରମରେ ହିଣ୍ଡାଲ୍‌କୋ ଶିଳ୍ପ ପରିଦର୍ଶନ ସାମିଲ ଥିଲା । ଏହା ବ୍ୟତୀତ ସାମାଜିକ ଆଉଟ୍‌ରିଚ୍ କାର୍ଯ୍ୟକ୍ରମର ଅଂଶ ସ୍ୱରୂପ ଅତାବିରାର ବୁଣାକାର ଶିଳ୍ପ ପରିଦର୍ଶନ କରାଯାଇଥିଲା । ଏହି ପରିଦର୍ଶନ ସେମାନଙ୍କୁ ସ୍ଥାନୀୟ ବୁଣାକାରମାନଙ୍କ ସହ ଭାବ ବିନିମୟ କରିବା, ସେମାନଙ୍କ କଳାକୁ ବୁଝିବା ଏବଂ ବୁଣାକାର ଗୋଷ୍ଠୀଙ୍କୁ ଏକ ମଂଚ ପ୍ରଦାନ କରିବାରେ ଆଇଆଇଏମ୍ ସମ୍ବଲପୁରର ଅବଦାନକୁ ଜାଣିବା । ଆଇଆଇଏମ୍ ସମ୍ବଲପୁରର ନିର୍ଦ୍ଦେଶକ ପ୍ରଫେସର ମହାଦେଓ ଜୟସ୍ୱାଲ ସ୍ୱାଗତ ଭାଷଣ ପ୍ରଦାନ କରି ଏହି ଛାତ୍ରଛାତ୍ରୀମାନଙ୍କ ଲାଗି କାର୍ଯ୍ୟକ୍ରମ ଆୟୋଜନ କରିବା ନେଇ ସନ୍ତୋଷ ପ୍ରକଟ କରିଥିଲେ । ସେ କହିଥିଲେ ଯେ, “ ଆଇଆଇଏମ୍ ସମ୍ବଲପୁରରେ ଆମ ମୂଳ ମୂଲ୍ୟବୋଧ ହେଉଛି ନବସୃଜନ, ସଂହତି ଓ ଅନ୍ତର୍ଭୁକ୍ତୀକରଣ । ପରିବର୍ତନ ଓ ଆଗୁଆ ଚିନ୍ତାଧାରା ସମାଧାନକ ଗ୍ରହଣ କରି ଆମେ ପରମ୍ପରା ସହ ଆଧୁନିକତାର ମିଶ୍ରଣ କରିଛୁ । ଭଗବାନ ବିଷ୍ଣୁଙ୍କ ଅବତାରରୁ ଅନୁପ୍ରାଣିତ ହୋଇ ଉଚ୍ଚ ନୈତିକ ମାନକକୁ ବଜାୟ ରଖି ସମସ୍ତେ ନିଜକୁ ମୂଲ୍ୟବାନ ମନେ କରିବେ ଏବଂ ନବସୃଜନ ଓ ନୈତିକତାରେ ଅନ୍ତର୍ଭୁକ୍ତୀକରଣର ଗୁରୁତ୍ୱକୁ ବୁଝୁଥିବା ଲିଡରଙ୍କୁ ସଶକ୍ତ କରିବାକୁ ଆମେ ସୁନିଶ୍ଚିତ କରୁଛୁ ।’’ ହିଣ୍ଡାଲ୍‌କୋ ଇଣ୍ଡଷ୍ଟ୍ରିଜ୍ ଲିମିଟେଡ୍‌ର ଯୁଗ୍ମ ସଭାପତି ଦେବାଶିଷ ମଲ୍ଲିକ ଥିଓରି ଜ୍ଞାନ ଓ ବାସ୍ତବ ଦୁନିଆ ପ୍ରୟୋଗ ମଧ୍ୟରେ ଥିବା ଅନ୍ତରକୁ ଦୂର କରିବାର ଗୁରୁତ୍ୱ ଉପରେ ଆଲୋକପାତ କରି କହିଛନ୍ତି ଯେ, “ଲିଡର୍‌ସିପ୍ କାର୍ଯ୍ୟ ପରିଚାଳନା କରେ ଏବଂ ତାହା ଅନୁପ୍ରାଣିତ ଓ ସଶକ୍ତ କରିଥାଏ । ହିଣ୍ଡାଲ୍‌କୋ ହିରାକୁଦରେ ଆମେ ଶିକ୍ଷା ଓ ଅଭିବୃ୍‌ଦ୍ଧିର ଏକ ପରିବେଶ ସଶକ୍ତ କରିବା ସହ ପରିଚାଳନା ଦକ୍ଷତାରେ ଉନ୍ନତି ଆଣିଛୁ ଓ ପରୀକ୍ଷଣକୁ ଉତ୍ସାହିତ କରୁଛୁ । ବିଫଳତାକୁ ଶିକ୍ଷାର ଏକ ସୁଯୋଗ ଭାବେ ଗ୍ରହଣ କରି ଆମେ ଉନ୍ନତିକୁ ଆଗକୁ ବଢ଼ାଉଛୁ । ଡିଲରମାନେ ତାଙ୍କ ଟିମ୍‌କୁ ସଫଳତା ଓ ବିଫଳତାରେ ସମର୍ଥନ କରନ୍ତି ଏବଂ ନିରନ୍ତର ଉନ୍ନତି ଓ ନବସୃଜନର ପ୍ରସାର କରିଥାନ୍ତି ।’’ ଏହି ଚାରି ଦିନିଆ କାର୍ଯ୍ୟକ୍ରମକୁ ପାଂଚଟି ରୂପାନ୍ତରୀତ ମଡ୍ୟୁଲ୍‌ରେ ବିଭକ୍ତ କରାଯାଇଥିଲା ଏବଂ ପ୍ରତିଟିରେ ପରିଚାଳନା ଓ ବ୍ୟକ୍ତିଗତ ବିକାଶ ଭଳି ବିଷୟ ଉପରେ ଗୁରୁତ୍ୱ ଦିଆଯାଇଥିଲା । ସେହି ମଡ୍ୟୁଲ୍‌ଗୁଡ଼ିକର ନେତୃତ୍ୱ ନେଇଥିଲେ ଓଭୋ ଫାର୍ମର ସହ ପ୍ରତିଷ୍ଠାତା ଶ୍ରୀ ସମରେନ୍ଦ୍ର ମିଶ୍ର, ଶ୍ରୀ କେଶବ ରାଓ, ଡାଇରେକ୍ଟର ପର୍ସୋନେଲ, ଏମସିଏଲ, ଡ. କେ ଗଣେଶ (ମ୍ୟାକିନ୍‌ସେ ଆଣ୍ଡ କମ୍ପାନିର ପାର୍ଟନର ଗ୍ଲୋବାଲ୍ ଲିଡ୍‌) ପ୍ରଫେସର ଭରତ ଭୂଷଣ ଓ ଆଇଆଇଏମ୍ ସମ୍ବଲପୁରର ବିଭିନ୍ନ ଫାକଲ୍‌ଟି ସଦସ୍ୟ ।